MPRI102 - IFE

MPRI102
Pedagoġija u Assessjar tal-Malti fil-klassi primarja: għarfien tal-lingwa u t-tagħlim tal-erba’ ħiliet

ECTS Value: 2 ECTS

Contact Hours: 10

Self Study Hours: 24

Assessment Hours: 16

Overall Objectives and Outcomes

Din l-unità għandha l-għan li tiżviluppa fil-parteċipanti, l-għarfien tal-erba’ ħiliet tal-lingwa kif ukoll il-kompetenza sabiex jgħallmu l-erba’ ħiliet tal-Malti lil studenti tal-Primarja. F’dan il-kors se jiġu ppreżentati approċi ta’ kif wieħed jippjana t-tagħlim tal-Malti fil-Primarja, filwaqt li jitħaddmu prattiċi tat-tagħlim effettivi għat-tagħlim fil-ħiliet tas-smigħ, tat-taħdit, tal-qari u tal-kitba.

Ladarba s-sistema edukattiva tagħna miexja minn sillabi preskrittivi għal tagħlim ibbażat fuq il-kisbiet mit-tagħlim, din l-unità tipprepara ‘l parteċipanti sabiex jiżviluppaw il-ħiliet pedagoġiċi u tal-assessjar b’tali mod li jintlaħqu l-għanijiet tal-Qafas tal-Kisbiet mit-Tagħlim li fuqu huma mibnija l-programmi tal-kisbiet mit-tagħlim tal-Malti.

By the end of this programme, participants should be able to:

Competences

a) Jidentifikaw liema huma l-kisbiet minn ħiliet differenti li jistgħu jintrabtu flimkien.

b) jiżviluppaw pjan ta’ ħidma msejjes fuq il-kisbiet mit-tagħlim u l-approċ tematiku.

ċ) Jippjanaw lezzjonijiet b’attivitajiet tat-tagħlim u l-assessjar biex jintlaħqu l-kisbiet fil-ħiliet kollha tal-lingwa.

d) Jikkonsolidaw fil-prattika teoriji li ltaqgħu magħhom f’din l-unità.

Knowledge

a) janalizzaw u jifhmu l-qafas tal-kisbiet mit-tagħlim u t-terminoloġija marbuta miegħu.
b) jevalwaw r-rabta bejn il-kisba, l-attivitajiet tat-tagħlim u l-assessjar.
c) jidentifikaw u jipproponu siti uffiċjali fejn isibu d-dokumentazzjoni li tgħinhom jibnu l-pjan ta’ ħidma skont il-kisbiet.
d) japprezzaw ir-riċerka lokali u barranija dwar it-tagħlim tal-kisbiet u l-approċ tematiku.
e) jirriflettu fuq prattiċi pedagoġiċi tat-tagħlim diskussi waqt din l-unità.

Skills

a) ifasslu pjan ta’ ħidma skont il-kisbiet, l-età ,iż-żmien disponibbli u l-interessi tal-istudenti;
b) jiddeterminaw liema huma l-attivitajiet għat-tagħlim l-aktar effettivi biex tintlaħaq il-kisba meta qed jippjanaw il-lezzjoni.
c) joħolqu materjal u riżorsi li jgħinuhom jilħqu l-kisbiet u jassessjawhom waqt li qed jippjanaw il-lezzjoni.
d) ifasslu strateġiji ta’ kif jippreżentaw lill-istudenti kriterji ta’ suċċess imfassla fuq il-kisbiet.
e) iħaddmu prattiċi pedagoġiċi skont il-ħiliet li qed jgħallmu.

Assessment Methods

Din l-unità se tiġi assessjata permezz ta’ assenjament.