Dan il-kors għandu l-għan li jistudja u jesplora l-Moderniżmu fil-letteratura Maltija, kemm fin-narrattiva kif ukoll fil-poeżija. Fid-diversi xogħlijiet letterarji li nkitbu f’dan il-perjodu se nixtarru l-prinċipji ewlenin tal-Moderniżmu, u kif evolva mir-Romantiċiżmu. Naraw kif dawn il-kittieba użaw il-letteratura bħala mezz biex iġibu lis-soċjetà konxja li trid tinbidel, fir-realtà politika ġdida ta’ Malta Indipendenti. L-Indipendenza tal-1964, setgħet tfisser li l-kundizzjoni Nazzjonali kienet waslet f’fażi ġdida li fiha seta’ jikber il-Moderniżmu f’Malta. Dan il-perjodu huwa magħruf ukoll bħala t-tieni nofs tas-seklu 20, immarkat bil-kisba tal-Indipendenza. Se niddiskutu u nanalizzaw rumanzi u poeżiji u naraw l-elementi u l-karatteristiċi tal-letteratura Moderna, li hija żvilupp ta’ dik tal-ewwel nofs tas-seklu 20. Naraw kif fil-Moderniżmu l-kittieba u l-poeti tawna ritratt tas-soċjetà Maltija f’din ir-realtà politika ġdida, imma m’esprimewx sentiment, ma faħħrux, iżda b’mod razzjonali ħarsu lejn dak ta’ madwarhom u wasslulna l-protesta u l-kritika tagħhom. Nifhmu li l-messaġġ kien wieħed biex is-soċjetà taġġorna mar-realtà soċjo-politika taż-żmien. Il-kittieba u l-poeti riedu li l-Indipendenza politika twassal ukoll għall-Indipendenza mentali u intelletwali. F’dawn il-lekċers se nistudjaw ukoll il-poeżija Moderna u se nanalizzaw il-prosodija tal-poeżija Moderna, u naraw id-differenza minn dik tal-poeżija Romantika.

By the end of this programme, participants should be able to: