BMLT309 - IFE

BMLT309
Is-Sintassi tal-Malti

MQF Level: 6

ECTS Value: 3 ECTS

Self Study Hours: 36

Contact Hours: 15

Assessment Hours: 24

Duration: 6 sessions

Overall Objectives and Outcomes

L-għan ta’ dan il-modjul hu li jiżviluppa fil-parteċipanti għarfien reżiljenti tal-binja tas-sentenza fil-Malti li hi l-qofol tal-kitba. Bis-saħħa t’hekk il-parteċipanti jiksbu l-għarfien ta’ kif iħaddmu tajjeb is-sentenzi, u jakkwistaw fehim aktar għammieq dwar il-binja tas-sentenza fil-Malti li jwassalhom biex jibnu paragrafi tajbin u jiktbu Malti tajjeb. Jintroduċi wkoll lill-parteċipant għas-sentenzi subordinati; dik nominali, aġġettivali u avverbjali.

By the end of this programme, participants should be able to:

Competences

a. Jagħraf li s-sentenza hija għaqda ta’ kliem li tifforma grupp jew sett komplet u li, għalhekk, hija magħluqa fiha nfisha;

b. Jħaddem il-forom differenti tas-sentenza fil-Malti;

c. Jikseb idea ta’ analizi sintattika;

d. Jorbot flimkien u jqassam kif jixraq il-kliem fis-sentenzi biex jinbena d-diskors u s-sentenza;

e. Jagħmel analiżi sintattika tas-sentenzi subordinati fi ħdan is-sentenza kumplessa.

Knowledge

a. Jifhem ir-regoli tas-sintassi li huma:

It-tqegħid ta’ kliem jew il-bini ta’ sentenzi;
Dawk li jfissru kif il-partijiet tad-diskors jitqabblu bejniethom;
Dawk li jfissru kif parti mid-diskors għandha torbot ma’ oħra

b. Jiddefinixxi x’inhu s-Suġġett u x’inhu l-Predikat f’sentenza;

c. Jispjega t-tifsira u l-binja ta’ sentenzi Interrogattivi, dawk Negattivi u dawk ta’ Projbizzjon;

d. Jiddistingwi bejn sentenza subordinata nominali, dik aġġettivali u dik avverbjali;

e. Jifhem li bil-formulazzjoni ta’ sentenza wieħed għandu jagħti kas ta’ kif is-sentenza tkun mibnija fil-wiċċ;

f. Jifhem kif is-sentenza tkun mibnija fil-qiegħ tagħha;

g. Jispjega is-sekwenza ta’ kif bil-kliem nibnu l-frażijiet, il-frażijiet jibnu s-sentenzi, is-sentenzi jibnu l-paragrafi u li l-paragrafi jibnu l-komponiment jew il-kitba partikulari fit-totalità tagħha;

h. Jagħraf u jifhem li s-sintassi hija dik il-parti mill-grammatika li tgħallem kif torbot flimkien u tqassam kif jixraq il-kliem fis-sentenzi biex jinbena id-diskors.

Skills

a. Jagħmel distinzjoni bejn is-sentenza sempliċi u dik subordinata;

b. Jagħmel distinzjoni bejn tliet tipi ta’ sentenzi subordinati – nominali, aġġettivali u avverbjali;

c. Jiddeskrivi x’inhu l-kunċett tas-sintassi u li kull lingwa ghandha s-sintassi tagħha, għax is-sintassi hija pjuttost flessibbli;

d. Jifhem x’inhi sentenza ewlenija u dik subordinata.

Assessment Methods

This module will be assessed through: Numru ta’ eżerċizzji li jindirizzaw diversi aspetti tas-sintassi.