Dan il-kors għandu l-għan li jistudja u janalizza rumanzi u poeżiji li nkitbu mis-snin disgħin, seklu 20 sal-lum. Naraw kif il-letteratura qed taġġorna ruħha bl-aħħar żviluppi fin-narrattiva u fil-poeżija b’attenzjoni speċjali għal-lingwaġġ ġdid li nħoloq. Għan ieħor hu li tiġi esplorata l-estetika li qed tiġi ppreżentata minn din il-ġenerazzjoni ta’ kittieba.F’dan il-kors se naraw: kif ir-rumanz u n-novelli ta’ dan il-perjodu bnew fuq dak miktub mir-Romantiċi, ir-Realisti u l-Modernisti, imma huma differenti kemm fil-kontenut kif ukoll fl-istil, kif l-istejjer li jirrakkontaw u kif jirrakkontawhom jirriflettu esperjenza umana li fetħet beraħ l-orizzonti tal-awturi. Il-fatt li bosta awturi għexu barra u bdew jivvjaġġaw ta’ spiss wassal għal dan, iżda mhux biss. Il-fatt li l-awturi bdew jaslu għand qarrejja barranin permezz tat-traduzzjonijiet letterarji kompla ta’ spinta ’l quddiem lill-awturi biex fetħu beraħ l-orizzonti tagħhom. F’dan il-kors se jiġi trattat ukoll il-fatt li din kienet ġenerazzjoni ta’ kittieba li għexet ir-rivoluzzjoni tal-informatika u kif dan affettwa r-relazzjoni bejn l-awturi u l-qarrejja tagħhom. Dan il-kors iħares lejn ġenerazzjoni ta’ awturi Maltin ta’ din l-epoka u jiffoka fuq awturi bħal Claire Azzopardi, Pierre J Mejlak, Immanuel Mifsud, Ġużè Stagno u Alex Vella Gera. F’dan il-kors se nitrattaw ukoll ġenerazzjoni ġdida ta’ poeti li bdew jesperimentaw b’lingwaġġ u temi li kienu r-riflessjoni ta’ dak li kien qed iseħħ madwarhom. Naraw kif din il-ġenerazzjoni ta’ poeti tawna poeżija li bdiet tesplora stili ġodda, mhux biss lokali imma Ewropej u lil hinn, uħud minnhom imnebbħa mil-letteratura barranija. Il-poeżija u l-proża infirxu u kibru iktar minn sempliċement Maltin. L-udjenza u l-aspirazzjonijiet tagħha kibru sew u ma baqgħux biss Nazzjonali, id-dinja tagħhom ħarġet minn Malta u kibret iktar mill-fruntieri tal-pajjiż. F’din l-unità se nużaw bżala punt ta’ riferiment il-poeżija ta’ Norbert Bugeja, Simone Galea, Karl Schembri, Adrian Grima, Nadia Mifsud u Simone Inguanez.

By the end of this programme, participants should be able to: